لو في مواقف اتظلمت فيها في حياتك أو ظروف حصلت لك غيرت كل حاجة كنت مخطط لها......
هل حياتك انتهت لأن شخص وقعك؟
وأنا بقرا في الكتاب المقدس الأسبوع ده لفت نظري قصة عن شخص اسمه مفيبوشت... مين؟!! مفيبوشت ده كان شخص أعرج في رجليه الاتنين... على فكرة متولدش كدا. دا كان طبيعي وبيمشي زي كل الأولاد.
وهو عنده خمس سنين جت أخبار الحرب إن باباه وجده اتقتلوا في الحرب.. ابوه يوناثان وجده الملك شاول.. يعني مفيبوشت كان حفيد الملك!!! واااو
حصل رعب في القصر فالمربية بتاعته شالته عشان تهرب بيه فوقع منها وبقى مشلول... الكلام دا موجود في الكتاب المقدس في 2صم 4:4
مفيبوشت بقى جسمة كله معاق للأبد عشان غلطة المربية بتاعته....
عمره ما هيقدر يشتغل، عمره ما هيعرف يعيش زي بقية الناس.. دايماً لازم يعتمد على حد يساعدة.
يا ترى كان حاسس بالظلم؟؟؟ حاسس بغضب؟؟ هل شاعر بإنه اشمعنى أنا يحصل معايا كدا... دا أنا كان لازم أبقى عايش في عز .... دا أنا ابن ملك.
أنا ذنبي أيه أشيل غلطة أو قرار حد تاني؟
ربنا كان ليه خطة تانية لـ مفيبوشت.... الخطة إنه يديله مركز وكرامة..
ازاااي؟ عشان الملك داود كان راجل حسب قلب الله؟؟؟
دايماً كنت بسأل عن معنى الأية دي لكن فهمتها أكتر لما تأملت في القصة دي..
تخيل معايا إن عدوك اللي مغضب عليك عيشتك مات في الحرب وبدل ما ترتاح منه تدور عليه عشان تساعدة؟؟؟؟ دا اللي داود عمله سأل إذا في حد من عيلة شاول عايش عشان يوريله رحمة؟؟؟؟؟
أكيد لما مفيبوشت سمع إن الملك داود عايزه قال يمكن عايز يقتلني لأني بشكل تهديد عليه عشان لازم أكون الملك.
أكيد مفيبوشت ذهل لما عرف إن داود عايز يعمل معاه معروف (2صم 7:9).
بدل ما داود يختار يدمره اختار يباركه!!!
بدل ما يفتكر إساءات شاول ليه، اختار داود إنه يرجع لحفيد شاول كل الأراضي اللي كانت ملك شاول مش بس الأراضي لكن كمان الخدم.
عشان كدا الله قال إن داود رجل بحسب قلبه، لأنه فضل الرحمة على العدل.
عدد 13 بيقول "13فَسَكَنَ مَفِيبُوشَثُ فِي أُورُشَلِيمَ لأَنَّهُ كَانَ يَأْكُلُ دَائِماً عَلَى مَائِدَةِ الْمَلِكِ. وَكَانَ أَعْرَجَ مِنْ رِجْلَيْهِ كِلْتَيْهِمَا" دي صورة عن معاملة الله للي يثق فيه، للي يحط كل ثقته في الرب يسوع.
مش بس هياخد رحمة وغفران لكن شركة مع الله اللي انت عملت خطية ضده.
مَفِيبُوشَثُ فضل ياكل علي مائدة الملك لحد ما مات...
لو في مواقف اتظلمت فيها في حياتك أو ظروف حصلت لك غيرت كل حاجة كنت مخطط لها فالله ممكن يديلك كرامة زي اللي أداها لـ مَفِيبُوشَثُ...
ولو كان حد غلط في حقك، اختار تعمل زي داود وتدي رحمة بدل ما تنتقم وساعتها ربنا هيباركك ويقويك ويقول عليك إنك "حسب قلبه"
ربنا يدينا أننا نتعلم ونعمل كدا فعلا ربنا معاكم
هل حياتك انتهت لأن شخص وقعك؟
وأنا بقرا في الكتاب المقدس الأسبوع ده لفت نظري قصة عن شخص اسمه مفيبوشت... مين؟!! مفيبوشت ده كان شخص أعرج في رجليه الاتنين... على فكرة متولدش كدا. دا كان طبيعي وبيمشي زي كل الأولاد.
وهو عنده خمس سنين جت أخبار الحرب إن باباه وجده اتقتلوا في الحرب.. ابوه يوناثان وجده الملك شاول.. يعني مفيبوشت كان حفيد الملك!!! واااو
حصل رعب في القصر فالمربية بتاعته شالته عشان تهرب بيه فوقع منها وبقى مشلول... الكلام دا موجود في الكتاب المقدس في 2صم 4:4
مفيبوشت بقى جسمة كله معاق للأبد عشان غلطة المربية بتاعته....
عمره ما هيقدر يشتغل، عمره ما هيعرف يعيش زي بقية الناس.. دايماً لازم يعتمد على حد يساعدة.
يا ترى كان حاسس بالظلم؟؟؟ حاسس بغضب؟؟ هل شاعر بإنه اشمعنى أنا يحصل معايا كدا... دا أنا كان لازم أبقى عايش في عز .... دا أنا ابن ملك.
أنا ذنبي أيه أشيل غلطة أو قرار حد تاني؟
ربنا كان ليه خطة تانية لـ مفيبوشت.... الخطة إنه يديله مركز وكرامة..
ازاااي؟ عشان الملك داود كان راجل حسب قلب الله؟؟؟
دايماً كنت بسأل عن معنى الأية دي لكن فهمتها أكتر لما تأملت في القصة دي..
تخيل معايا إن عدوك اللي مغضب عليك عيشتك مات في الحرب وبدل ما ترتاح منه تدور عليه عشان تساعدة؟؟؟؟ دا اللي داود عمله سأل إذا في حد من عيلة شاول عايش عشان يوريله رحمة؟؟؟؟؟
أكيد لما مفيبوشت سمع إن الملك داود عايزه قال يمكن عايز يقتلني لأني بشكل تهديد عليه عشان لازم أكون الملك.
أكيد مفيبوشت ذهل لما عرف إن داود عايز يعمل معاه معروف (2صم 7:9).
بدل ما داود يختار يدمره اختار يباركه!!!
بدل ما يفتكر إساءات شاول ليه، اختار داود إنه يرجع لحفيد شاول كل الأراضي اللي كانت ملك شاول مش بس الأراضي لكن كمان الخدم.
عشان كدا الله قال إن داود رجل بحسب قلبه، لأنه فضل الرحمة على العدل.
عدد 13 بيقول "13فَسَكَنَ مَفِيبُوشَثُ فِي أُورُشَلِيمَ لأَنَّهُ كَانَ يَأْكُلُ دَائِماً عَلَى مَائِدَةِ الْمَلِكِ. وَكَانَ أَعْرَجَ مِنْ رِجْلَيْهِ كِلْتَيْهِمَا" دي صورة عن معاملة الله للي يثق فيه، للي يحط كل ثقته في الرب يسوع.
مش بس هياخد رحمة وغفران لكن شركة مع الله اللي انت عملت خطية ضده.
مَفِيبُوشَثُ فضل ياكل علي مائدة الملك لحد ما مات...
لو في مواقف اتظلمت فيها في حياتك أو ظروف حصلت لك غيرت كل حاجة كنت مخطط لها فالله ممكن يديلك كرامة زي اللي أداها لـ مَفِيبُوشَثُ...
ولو كان حد غلط في حقك، اختار تعمل زي داود وتدي رحمة بدل ما تنتقم وساعتها ربنا هيباركك ويقويك ويقول عليك إنك "حسب قلبه"
ربنا يدينا أننا نتعلم ونعمل كدا فعلا ربنا معاكم
إرسال تعليق